რჩეული შრომები

Abstract

წიგნი შედგება სამი ნაწილისგან. პირველი ნაწილი — „მუსიკალური კომპოზიციისა და ფორმაქმნადობის შესახებ“ — მოიცავს მუსიკალური ნაწარმოებების ისეთი კატეგორიების განხილვას, როგორიცაა კონტრასტი, ფორმაქმნადობის ლოგიკური და კომპოზიციური ფუნქციები, ლატენტური პროცესები, ახალი საკომპოზიციო ტექნიკები და მათი ფუნქციონირების სპეციფიკა ახალ და უახლეს მუსიკაში. მეორე ნაწილში — „პოლიფონიისა და პოლიფონიური აზროვნების შესახებ“ — გაერთიანებულია სტატიები, რომლებშიც განხილულია ქართველი კომპოზიტორების პოლიფონიური აზროვნების სხვადასხვა ასპექტი, ტრადიციული ჟანრებისა და მუსიკალური გამომსახველობითი საშუალებების გადააზრების გზები, აგრეთვე პოლიფონიური მუსიკის აღქმის თავისებურებები. მესამე ნაწილი — „თეორიული საგნების სწავლების საკითხები“ — ეძღვნება პრობლემატიკას, რომელიც დაკავშირებულია თანამედროვე მუსიკალური განათლების სპეციფიკასთან და მის შემადგენელ თეორიული დისციპლინების სწავლების მეთოდიკასთან.